ARTELUS.

ARTELUS = NON SPOSATI.

 

Artelùs i é tuti quéi, òmini o fémene, che, a ‘na zerta età, nò se à ‘ncora maridà.

‘Na òlta i fiòi de i contadin i se maridéa squasi tuti, i òmi avànt de i trènta ani e

le fémene avànt de i vintisìe.

I òmi par sòlito i se maridéa cò i avéa finì la nàia, a vintitré ani e le fémene le se

maridéa a vìnti ani, anca prìma.

Penséve che ‘l Dotòr Bazolle, l’éra ‘l mìliotozento, ‘l scrivéa su i sò libri che ‘n tosàt,

pasadi i trénta ani, l’éra tegnést vècio par maridàrse e le tòse nò i cioléa pì.

Le tòse pò, ‘l diséa, che pasadi i vintisié ani le èra tegneste par artelùse e, par maridàrse,

ghe tochéa ciorse su ‘n vedof, magari cò fiòi. A stì ani, òmini o fémene, a trenta ani i é

‘ncora tuti ‘n faméia. Pòchi i se marida prìma.

Altri ani nono! La me dìs me neòda, che l’à diése ani.